Maxfiylik siyosati
AgroDok (sayt va Android ilova) qanday ma‘lumot ishlatishini va uni qanday himoya qilishini shu yerda tushuntiramiz. Hisob ochish talab qilinmaydi.
Oxirgi yangilanish: 17-noyabr 2026
1. Qanday ma‘lumotlar ishlatiladi
- Skanerlash uchun siz tanlagan yoki suratga olgan o‘simlik rasmi. Rasm yuborishdan oldin qurilmangizda kichraytiriladi, joylashuv (GPS) va boshqa meta-ma‘lumotlar tashlab yuboriladi.
- Agronomdan so‘rash bo‘limiga yozgan savollaringiz.
- “Tashxis noto‘g‘ri” tugmasi bosilganda: ekin nomi, aniqlangan muammo nomi (rasm yuborilmaydi).
- Ism, telefon, elektron pochta, kontaktlar va aniq joylashuv yig‘ilmaydi.
2. Rasm va savollar qayerga yuboriladi
- Rasm va savollar tashxis/javob tayyorlash uchun sun‘iy intellekt xizmatlariga (Google Gemini; zarur bo‘lsa zaxira sifatida boshqa AI xizmatlari) yuboriladi.
- AgroDok serveri rasmni saqlamaydi: u faqat tahlil vaqtida xotirada bo‘ladi.
- Iltimos, rasmda odamlar yuzi yoki shaxsiy hujjatlar bo‘lmasin.
3. Qurilmangizda saqlanadigan ma‘lumot
- Skanerlar tarixi (kichik rasm va natija) faqat telefon yoki brauzeringizda saqlanadi, bizning serverga yuborilmaydi.
- Uni istalgan vaqtda “Tarix” bo‘limida o‘chirishingiz mumkin (yakka-yakka yoki hammasini).
4. Ruxsatlar (Android)
- Kamera — o‘simlikni skanerlash uchun. Faqat siz “Kamerani ochish” tugmasini bosganingizda ishlaydi.
- Internet — tashxis va javoblar uchun.
- Galereyadan rasm tanlash tizimning o‘z tanlagichi orqali bajariladi.
5. Uchinchi tomonlarga berish
- Ma‘lumotlaringiz sotilmaydi va reklama maqsadida berilmaydi.
- Qonun talab qilgan hollardagina vakolatli organlarga berilishi mumkin.
6. Muhim ogohlantirish
- AgroDok sun‘iy intellekt yordamida taxminiy tavsiya beradi va aniq tashxis emas. Dorilarni ishlatishdan oldin qadoqdagi yo‘riqnomani o‘qing va agronom bilan maslahatlashing.
7. Bolalar
- Xizmat dehqonlar va umumiy foydalanuvchilar uchun; 13 yoshgacha bolalardan ongli ravishda ma‘lumot yig‘maymiz.
8. Aloqa
- Savollar uchun ilovadagi “Agronomdan so‘rang” yoki “Tashxis noto‘g‘ri” orqali yozing.
- Ishlab chiqaruvchi: ProCode.